बला के आग

अपन ऑफिस माँ बइठे ब्लॉग माँ अपन लिखे चीज ला देखत रेहेंव। हमन एला बलाग कथन। देखत देखत सोचेंव के शरद भाई मेरन बात कर लेना चाही। घनघनवायेवं ओखर मोबाइल के घंटी। जन मानस के एक ठन स्वाभाविक प्रवृत्ति होथे के पहिली जउन काम ल करना हे, बेरा कुबेरा कोनो ल पेरना हे त फोनिया के पेरलौ, अउ दखल डारे के बाद सामने वाले ला कहौ के आप ला तकलीफ थोरे होईस। लोक लाज माँ बिचारा का केहे सकही। झक मार के कइही ... नही नही कोनो तकलीफ नई हे, ले गोठिया। अइसने तंग मैं हा शरद भाई ल करेवं। जम्हाई लेवत रहिसे ओतके माँ मैं फोनिया देवं। खैर ओ हा घर परिवार के मनखे बरोबर हे। गारी देही त दे लेही। करीब आधा घंटा ले गोठियाएन। एही बीच माँ मोर मुह ले निकल गे ये ब्लॉग हा यदि बलाग कहिबो त बला के आग हो जाही। अउ ये ओ आग आय जेन मेरन ले हटे के मन नई लगे जैसे जाड के दिन माँ पहिली गोरसी के आगी तापत बैठे रहन. त ये विचार ल भाई शरद कहिस के तुंरत तैं पोस्ट कर दे। येदे कर देवं जी पोस्ट.......